VII. Gau-Txori (Gaueko) Argazki Rallya

Urteroko moduan hasi gara berriro argazki Rallyekin.

garaikurrak-gautxori-rallya

GAU-TXORI, gaueko VII. Rallya gainean dugu eta bertan parte hartzera gonbidatu nahi zaituztegu. Memoria-tarjetadun kamera digitala duen edonork parte hartu dezake beraz animatu!

Iadanik jakinekoa den bezala, argazki rally hau ezberdina dugu, gauez egiten bait da. Aurten, otsailaren 27an, larunbat gauean izango da, beraz izen-ematea otsailak 25a baino lehenago egin beharko da, internet bidez Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera mezu bat bidaliz.

Izen-ematea 7€-koa izango da, nahi duenak rally ondoren egingo den afarirako ere izen eman dezakelarik, 20€ guztira (inskripzioa+afaria). Kuota rallyaren egun berean ordaindu beharko da Azpeitiko Argazki Elkartearen egoitzan 19:00tatik 20:00ra. Atxikita dituzue oinarriak informazio guztiarekin.

Bestalde, rally hau Herriz-Herri txapelketarako puntuagarria izango dela gogoratzen dizuegu.

VII. Gau-Txori Rallyko oinarriak jaitsi.

 

Juan Mari Ibarzabal bigarren Bidasoako argazki rallyan

Juan Mari Ibarzabal, elkarteko kideak, Bidasoako III. argazki rallyan bigarren postua lortu du. Hauek izan ziren argazkilariek gai bezala landu behar izan zituzten gaiak: zuhaitzak, itsasontzia, kaleak, euskara, pandereta. Zorionak Juan Mari!

Hemen duzue Juan Mari-k rallyan aurkeztutako argazki biduma.

Iñaki Aranburu, 2015eko Mendi eta Udazkeneko argazki rallyko irabazlea

Alex Berasategi, Javier Larrinaga eta Maitane Labaka, rallyko epai-mahiak, Mendi eta Udazkeneko rallyra aurkeztu ziren argazki bilduma guztiak ikusi eta baloratu ondoren, honako emaitza eman zuten.

Lehen saritua Iñaki Aranburu, bigarren Carlos de Cos eta hirugarren Javier López. Herriko lehen sailkatuaren saria (3 lehenengo postuak kontuan hartu gabe) Valen García-k jaso du. Argazki onenaren saria aldiz, Carlos de Cos-ek aurkezturiko bildumako argazki batek jaso du.

Gogoratu Rally honetako emaitzak, "Herriz-Herri" rallyrako ere puntuagarriak direla.

Rallyan parte hartu zuten gaztetxoen emaitza honako izan da:
1.- Garazi Bereziartua
2.- Libe Korta
3.- Xuban Aburuza

Sari banaketa eta argazki bildumen proiekzioa (jende guztiari irekia) larunbat honetan, azaroak 28, arratsaldeko 18:30tan Lagun Onak Mendi Bazkunaren elkartean izango da (Azpeitia, Calle Eliz Kale 21).

Zorionak irabazle guztiei eta sari banaketan ikusiko gara!

descarga-pdf Rally-ko akta

descarga-pdf Rally-ko puntuaketa.

 

Mendiko eta Udazkeneko argazki rallyko sari banaketa

Aurreko larunbatean izan genuen Lagun Onak Mendi Bazkunean argazki rallyko irabazleen sari banaketa. Iadanik ohitura den bezala, sari emanaldiaren aurretik rallyko parte-hartzaile guztien argazki bildumak ikusi ahal izan ziren.

Hemen dituzue sarituen hainbat argazki.

Eskerrik asko bertara gerturatu ziñeten guztioi eta ezin izan bazenituzten argazkiak ikusi hemen duzue rallyra aurkezturiko argazki guztiekin eginiko bideoa.

 

Parte hartze handia Mendiko eta Udazkeneko argazki rallyan

Atzo igandez, azaroak 1, izan genuen Udazkeneko XXVI eta Mendiko XX. argazki rallya. Eguraldi ederrak parte hartze handiari lagundu zion eta azkenean 62 helduk eta 15 haurrek parte hartu zuten rallyan. Ohitura den bezala probintzi eta inguruko hainbat herri ezerdinetatik etorritako jendea izan genuen gure artean: Barakaldo, Zumaia, Donostia, Soraluze, Pasai San Pedro, Zarautz...

    Antolakuntzak 5 gai hauek aukeratu zituen rallyko gai bezala:
  • Paisaia, Izarraitz atzealdean izanda
  • Fauna-Flora
  • Testura
  • Egurra
  • Baserriko tresnak

Parte hartzeile guztiek eskertu zuten Lagun Onak MB-ko bazkideek rallyan zehar antolaturiko hamaiketakoa, Oñatz mendi inguruan rallyarekin jarraitzeko indarrak hartzeko geldiune aproposa.

Hemen duzue atzoko jardunaldiaren bideo laburpen bat.

 

Copyright © 2010 Azpeitiko Argazki Elkartea | Asociación Fotográfica de Azpeitia

Utilizamos cookies para mejorar la experiencia de navegación. Puede obtener más información en nuestra política de cookies.

  Acepto cookies de esta web.