HIleko lehen osteguna izan genuen atzo, eta ohiturari jarraituz gure 12x12 lehiaketa izan genuen gai nagusia. Apirileko argazki gaia "klabe altoa" genuen (hitz gutxitan azalduta, argazkian zuria gehiengo kolorea, indar gehiena duena gertatzen denean izaten da) eta argazki denak ikusi eta bozkatu ondoren hauek izan ziren lehen postuetan gelditu ziren argazkilariak: lehen postuan Joxean Ulacia, bigarren Adiel Zabala eta hirugarren postuan Juan Mari Ibarzabal.

Hemen duzue lehen postuan gelditu den argazkia. Beti bezala lehen hiru argazkiak gure Ekintzak 12x12 atalean ikus ditzakezue.

Atzo gauean izan genuen Udaberriko argazki rallyko sari banaketa. Iadanik ohitura den bezala, sari emanaldiaren aurretik rallyko parte-hartzaile guztien argazki bildumak ikusi ahal izan genituen. Eskerrik asko parte hartzaile guztiei eta zorioak sarituei.

Hemen dituzue sari banaketako argazkiak.

Aurreko igandean ospatu zen Udaberri Rallyan, Gipuzkoa, Bizkaia eta Naparroako hainbat herrietatik etorritako 36 argazkilari izan genituen herrian: Ondarroa, Burlada, Errenteria, Idiazabal, Zumarraga, Arroa, Zarautz, Legazpia, Ordizia, Durango, Donostia, Tolosa, Irun eta noski Azpeitikoak. Aipatzekoa horien artean aurten 10 emakume izan genituela, orain arteko kopuru handiena.

Azkeneko urteetan bezala aurtengo rallyan ere argazkilariek Azpeitia bertan osaturiko ibilbidea egin behar izan zuten, hauek izan zituztelarik atera beharreko argazki gaiak: Udaberria, Kirola, Erlojua, Mahai jokoak (xaketa, partxixa, kartak, etab.) eta Konposketa pikatua.

Atzo igandez, apirilak 13, epaimahai puntuatzailea (Pilar Aguado, Carlos Mediavilla, eta Iñaki Etxenagusia) aurtengo Udaberriko argazki rallyan parte hartu zuten argazkilarien bildumak ikusi eta puntuatu ondoren, honako erabakia hartu zuen:

• Bilduma onena: Iñigo Olarte - 150€ eta Azpeitiko eskudela
• 2. bilduma onena: Jon Esnaola - 120€ eta garaikurra
• 3. bilduma onena: Igor Froilan - 90€ eta garaikurra
  

Herriko lehen ez saritua Juan Carlos del Pozo izan genuen, berarentzat 70€ eta garaikurra.

Rallyko argazki onenaren saria aldiz Patxi Irazabal-entzako izan da (albiste honetan duzuten argazkia). Berarentzat 50€ eta garaikurra.

Sari banaketa Azpeitiko Argazki Elkartearen egoitzan, Dinamoa Kultur Gunean (Soreasu), Apirilak 16an gaueko 9tan izango da.

Beti bezala bilduma sarituak gure Ekintzak/Rallyak atalean dituzue ikusgai.

Udaberriko Rallyko akta.