Atzo gauez gure 12x12 lehiaketako apirileko argazkiak ikusi eta bozkatu genituen, 'kale argazkia' genuelarik hil honetako gaia.

Argazkiak ikusi eta balorazio guztiak egin ondoren hauek izan dira bozketen emaitzak: lehen postua Angel Olabarria, bigarren Adiel Zabala eta hirugarren Gorka Arregi.

Hemen dugu argazki irabazlea. Beti bezala lehen hiru argazkiak gure Ekintzak 12x12 atalean ikus ditzakezue.

Larunbat arratsaldean izan genuen Udaberriko argazki rallyko sarituen sari banaketa. Iadanik ohitura den bezala, sari emanaldiaren aurretik rallyko parte-hartzaile guztien argazki bildumak ikusi ahal izan genituen.

Gainera oraingo sari banaketa hau oraindik eta bereziagoa izan zen Urdinduz taldeko partaide batzuk gure artean izan bait genituen. Aurreko albistean kontatu genuen bezala rally honen berezitasunetako bat "Urdinduz" egunean ospatu izana izan zen. Egun berezi hau kontuan izanik, rallyko gai bat "Urdinduz" izan zen (beraiekin aurretik adosturik). Horrela rallya amaitu zenean, eta argazkilari ezberdinekin ere adostuz, rallyan gai honi buruz ateratako 230 argazkiak, Urdinduz elkartearentzat izan ziren. Larunbatean, argazki hoien proiekzioarekin batera, argazkiak eman zitzaizkien.

Hemen dituzue sari banaketako argazki batzuk. Egin klik xaguarekin argazki gainean irudia handiago ikusteko.

Adiel Zabala, gure Azpeitiko Argazki Elkarteko lagun eta kideak argazki erakusketa bat antolatu du. Bertan Europara eginiko hainbat bidaietan atera dituen hainbat "street photo" izeneko argazkiak ikusi ahal dira, hau da, kalean edo eremu publikoetan gertatzen diren eguneroko bizitzako eszenak kontatzen dituzten irudiak. Kale-erreportaje moduko bat.

Argazki erakusketa Maiatzak 2 arte dago ikusgai Betharran aretoan.

Ordutegia:

Astelehenetik ostiralera: 18:00atatik 20:00tara
Asteburu eta jai egunetan: 12:00tatik, 14:00tara

Hemen gatoz berriro gure 12x12 lehiaketarekin. Atzo martxoko argazkiak ikusi eta bozkatu genituen, itsasertza genuelarik hil honetako gaia gaia.

Argazkiak ikusi eta balorazio guztiak egin ondoren hauek izan dira bozketen emaitzak: lehen postua Juan Carlos del Pozo, bigarren Gorka Arregi eta hirugarren Iñigo Olarte.

Hemen dugu argazki irabazlea. Beti bezala lehen hiru argazkiak gure Ekintzak 12x12 atalean ikus ditzakezue.