Azpeitiko Udaberriko 2018 Argazki Rallya

rally udaberria froilan 2017

Sartu gara Udaberrian eta urtero bezala hemen gatoz Udaberriko edo Urola Bailarako XLI. Argazki Rallyarekin.

Aurten rallya Apirilak 8an ospatuko da. Izen ematea, Azpeitiko Argazki Elkartean izango da, rallyko egun berean, goizeko 09:00tik 09:30ra bitartean. Izena emateko orduan 10€ ordainduko dira, baina 16 urtetik beherakoek ez dute ezer ordaindu beharrik izango. Kamera digitala eta memoria-txartel huts bat duen edonork har dezake parte. Aurten ere ibilbidea Azpeitian bertan izango da.

Partaideek, rallyko egunean ezagutzera emango diren gai bakoitzeko argazki bat aukeratu eta 2018ko Apirilaren 15a baino lehenago posta elektronikoz Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera bidali beharko dituzte, partaide zenbakia eta aukeratutako argazkien zenbakiak adieraziz.

Ohiturari jarraituz goiz aldean hamaiketako bat izango da, eta rallyaren ondoren bazkari bat dago antolatuta. Bertara joan nahi duenak, rallyan izen-ematean apuntatu ahal izango da.

Epaimahiaren erabakia jakin ondoren, argazki emanaldia eta sari banaketa maiatzak 5ean izango da, arratsaldeko 6retan.

Rallyari buruzko informazio gehiago, albiste honetan erantsita aurkitu dezakezuten pdf artxibo edo oinarrietan dituzue.

2018ko Udaberri Rallyko oinarriak jeitsi.

 

José Antonio Fernandez-ek irabazi du aurtengo Gau-Txori rallya

gau txori rallya irabazlea

Martxoak 3an izan genuen aurtengo Gau-Txori argazki rallya eta atzo,  martxoaren 15ean, epaimahi puntuatzailea bildurik eta IX. Gau-Txori argazki rallyan parte hartu zuten argazkilarien bildumak ikusi eta baloratu ondoren, honako erabakia eman zuten:

· Bilduma onena: José Antonio Fernandez
· 2. sailkatua: Igor Froilan
· 3. sailkatua: Iñaki Etxenagusia

Azpeitiko, lehen sailkatuaren saria (ez saritua), Juan Mari Ibarzabal-ek jaso du.

Zorionak guztioi!

IX. Gau-Txori (gaueko) Argazki Rallya

Urteroko moduan hasi gara berriro argazki Rallyekin.

garaikurrak-gautxori-rallya

GAU-TXORI, gaueko IX. Rallya gainean dugu berriro eta bertan parte hartzera gonbidatu nahi zaituztegu. Argazkilari afizionatu guztiek, memoria-tarjetadun kamera digitala duen edonork parte hartu dezake beraz animatu!

Iadanik jakinekoa den bezala, argazki rally hau ezberdina dugu, gauez egiten bait da. Aurten, martxoak 3an, larunbat gauean izango da. Internet bidez Izen emateko mezu bat bidali beharko da Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera.

Izen-ematea 7€-koa izango da, nahi duenak rally ondoren egingo den afarirako ere izen eman dezakelarik, 20€ guztira (inskripzioa+afaria). Kuota rallyaren egun berean ordaindu beharko da Azpeitiko Argazki Elkartearen egoitzan (Telefonikaren eraikina) 19:00tatik 20:00ra.

Rallyan parte hartzeko partaide  bakoitzak  bere  memoria-tarjeta  ekarri  beharko  du,  guztiz  hutsik. Argazkiak Azpeitian ateratakoak izango dira, txuri-beltzean edo koloretan egin ahal izango direlarik, JPG  formatuan eta kalitate hoberenean.

Argazkien deskarga 00:00etatik 01:00etara izango da Azpeitiko Argazki Elkartean, tarjetak ordenagailuan deskargatuko direlarik. Gehienez 36 argazki aurkeztu ahal izango dira (kontroleko argazkia barne), ezabatu ahal izango direlarik. Argazkiak ezingo dira manipulatu.

2018ko martxoaren 11 baino lehen partehartzaileek gai bakoitzerako argazki bat aukeratu eta Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera korreo bat bidali beharko dute, partaide zenbakia eta gai bakoitzerako hautatzen den argazkiaren zenbakia adieraziz.

Atxikita dituzue oinarriak informazio guztiarekin: IX. Gau-Txori Rallyko oinarriak jaitsi.

 

Gau-Txori rallya

Aurreko larunbatean izan genuen Azpeitin 2018ko Gau-Txori rallya. Aurten 26 pertsonek hartu zuten parte bertan, oraingoan ere hainbat herrialde ezberdinetatik etorritako jendea izan genuelarik: Zumaia, Donostia, Beasain, Andoain, Errenteria, Barakaldo eta beste hainbat herrialdetatik etorritako hainbat argazkilari, Azpeitiakoak ere bai noski.

Aurten argazkilariek honako gaiak landu behar izan zituzten: arkoa, silueta, bi elementu, eskultura eta mugimendua.

Rallya amaitu ondoren, 20 pertsona joan ziren urtero antolatzen den ondorengo afarira.

Gogoratu martxoak 11 baino lehen gai bakoitzerako argazki bat aukeratu eta Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbide elektronikora mezu bat bidali behar dela, bertan partaide zenbakia eta gai bakoitzerako hautatzen den argazkiaren zenbakia adierazi beharko dira.

 

Herriz Herriz 2017, bi Azpeitiar lehen 10 sailkatuetan

Aurreko larunbatean izan zen Barakaldon Herriz Herri 2017-ko sari ematea.

Sailkapen orokorrean Igor Froilan-ek 5. postua lortu zuen eta Maider Odriozolak, 7. postua lortzeaz gain, bi urtez jarraian sarituen artean lehen emakumea izatea lortu zuen.

Zorionak biei.

aae herriz herri 2017

Copyright © 2010 Azpeitiko Argazki Elkartea | Asociación Fotográfica de Azpeitia

Utilizamos cookies para mejorar la experiencia de navegación. Puede obtener más información en nuestra política de cookies.

  Acepto cookies de esta web.