Iñaki Etxenagusia, 2018ko Mendi eta Udazkeneko argazki rallyko irabazlea

izarraitz parkea maiderArgazki onena, Maider Odriozola

Epaimahiak 2018ko Mendi eta Udazkeneko rallyra aurkeztu ziren argazki bilduma guztiak ikusi eta baloratu ondoren, honako emaitza eman zuen.

Lehen saritua Iñaki Etxenagusia, bigarren Maider Odriozola eta hirugarren Carlos de Cos. Herriko lehen sailkatuaren saria (3 lehenengo postuak kontuan hartu gabe) Igor Froilan-ek jaso du. Argazki onenaren saria ere, Maider Odriozolaren bildumako Izarraitz parkeari buruzko argazkiarentzat izan da.

Rallyan parte hartu zuten gaztetxoen emaitza honakoa izan da:
1.- Libe Korta
2.- Jon Zabaleta
3.- Onditz Beitia

Larunbat arratsaldean izan genuen Lagun Onak Mendi Bazkunean argazki rallyko irabazleen sari banaketa. Iadanik ohitura den bezala, sari emanaldiaren aurretik rallyko parte-hartzaile guztien argazki bildumak ikusi ahal izan genituen. Hemen dituzue sarituak eta antolatzaileak.

Mendiko eta Udazkeneko argazki rallya aurten Izarraitz inguruetan

rally hamaiketakoAurreko urteetan ez bezala aurtengoan eguraldia gurekin izan genuen Igandean ospatu zen Mendiko eta Udazkeneko argazki rallyan. Aurten antolakuntzak rallyko ibilbidea Izarraitzeko Atea parkean hasi zuen eta Madalenako ermitan eman zion amaiera. Bide hoietatik ibili ziren herri ezberdinetatik etorritako 40 argazkilari zale, horien artean 13 gaztetxo.

Antolakuntzak gai hauek aukeratu zituen rallyko gai bezala: Izarraitzeko Atea (parkea), garoa, harrizko hesiak (mugak), baserrietako gurutzedun ateak eta baserriko abereak.

Rally erdian, Lagun Onak MB antolatuta, parte hartzaileek haimaketako bero bat hartzeko aukera ederra izan zuten. Indarrak berritu eta rallyan jarraitzeko geldiune aproposa.

Gogoratu Azaroak 12 aurretik bidali behar dela argazki aukeraketa, 'partaidearen izena', 'artxiboaren izena' eta 'gaiaren zenbakia' zehaztuz, helbide honetara: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

Behin rallyko emaitzak eta sailkapena ezagututa sari banaketari eta bildumen proiekzioari ekingo zaio, hau Azaroaren 24an 18:30tan izango da Lagun-Onak M.B. ren elkartean.

2018ko Udaberri Rallyko irabazleen sari banaketa

udaberri rallya saridunak

Maiatzak 5, larunbata, izan genuen aurtengo Udaberriko Rallyko irabazleen sari banaketa, oraingo honetan Baigera I-eko hegoitzan.

Ohitura den bezala, sari banaketaren aurretik Rallyan parte hartu zuten argazkilari guztien argazki bildumen proiekzioa ikusi ahal izan zen bertan. Hauek izan genituen lehen postuetan geldituriko argazkilariak: Julián Ruiz, Pilar Aguayo eta Valen García. Gazteetan Eneko García eta Niko Baile izan genituen lehen eta bigarren saridunak.

Eskerrik asko bertara gerturaturiko jende guztiari eta hurrengo urterarte.

Hemen dituzue sari banaketako argazkiak.

Mendi eta Udazkeneko argazki rallya, 2018

Urtero bezala, hemen gatoz berriro Mendiko XXIII. eta Udazkeneko XXIX. argazki rallyarekin. Aurten azaroaren 4ean, izango da.

Rally hau Lagun Onak Mendi Bazkunak eta Azpeitiko Argazki Elkarteak elkartean antolatzen dugun argazki rallya dugu.

Izen ematea, rallyko egun berean, goizeko 9:00etatik 9:30etara, Azpeitiko Argazki Elkartearen egoitzan izango da  (Perez Arregi plazuela 1 zenbakian, 1. solairuan – Telefonikako eraikin zaharra). Kamera digital bat eta memoria-txartel huts bat duen edonork parte har dezake rallyan. Nagusientzat izen ematea 10€ izango dira eta 16 urtetik beherakoentzat dohainik.

Rallyko partehartzaileek, Lagun Onak Mendi Bazkuneko kideek diseinatutako ibilbidean zehar eta Azpeitiko Argazki Elkarteko kideek ezarritako gaiekin bat etorriko diren argazkiak atera beharko dituzte. Ibilbidean zehar, mendizaleak izango ditugu bidelagun.

Ibilbidearen erdi aldera, hamaiketakoa zain izango duzue indarrak hartu eta ibilbideari berriro ekiteko. Rallya amaitu ondoren, memoria-txartelak elkarteko ordenagailuan hustuko dira.

Parte hartzaile bakoitzak rallyrako argazkiak aukeratu eta azaroaren 12ra bitartean bidali beharko ditu Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera. Bertan,'partaidearen izena', 'artxiboaren izena' eta 'gaiaren zenbakia' zehaztu beharko dira.

Behin rallyko emaitzak eta sailkapena ezagututa sari banaketari eta bildumen proiekzioari ekingo zaio, hau azaroaren 24ean egingo da, arratsaldeko 18:30tan, Lagun Onak Mendi Bazkunaren elkartean (Eliz Kale, 21)

descarga-pdf 2018ko Mendi eta Udazkeneko Rallyko oinarriak ikusi.

 

Julián Ruiz, 2018ko Udaberri Rallyko irabazle

kirola julian ruiz

Epaimahai puntuatzailea Azpeitiko Argazki Elkarteak duen lokalean bildurik, Apirilak 8an ospatu zen Udaberriko argazki rallyan parte hartu zuten argazkilarien bildumak ikusi eta puntuatu ondoren, honako erabakia hartu zuen:

1. bilduma onena: Julián Ruiz
2. bilduma onena: Pilar Aguayo
3. bilduma onena: Valen García

4. Herriko lehen ez saritua: Juan Mari Ibarzabal

Argazki bildumen proiekzioa eta sari banaketa larunbat honetan, Maiatzak 5ean, eguerdiko 13:00-tan izango da Baigera I, jubilatuen taberna-jatetxeko lehen pisuan. Denok zaudete gonbidatuta.

Copyright © 2010 Azpeitiko Argazki Elkartea | Asociación Fotográfica de Azpeitia

Utilizamos cookies para mejorar la experiencia de navegación. Puede obtener más información en nuestra política de cookies.

  Acepto cookies de esta web.