2022ko Udaberri Rallyko irabazleen sari banaketa

udaberri rallya saridunak

Apirilak 9, larunbata, izan genuen aurtengo Udaberriko Rallyko irabazleen sari banaketa, oraingo honetan Dinamoa Kultur Gunean.

Ohitura den bezala, sari banaketaren aurretik Rallyan parte hartu zuten argazkilari guztien argazki bildumen proiekzioa ikusi ahal izan zen bertan. Hauek izan genituen lehen postuetan geldituriko argazkilariak: 1. Adiel Zabala, 2. Juan Ramon Llavori, 3. Arantza Rodriguez. Lehen Azpeitiarra (ez saritua) Igor Froilan izan genuen, eta Rallyko argazki onenaren saria aldiz Josean Ulaciak lortu zuen. Albisteko argazkian saritu guztiak ikus ditzakegu elkarteko presidentea dugun Gorka Arregirekin.

Eskerrik asko bertara gerturaturiko jende guztiari eta hurrengo urterarte.

Hauek ditugu saritu bakoitzaren argazkiak bere sariekin.

Adiel Zabala dugu 2022ko Udaberri Rallyko irabazlea

 

Atzo osteguna, apirilak 7, epaimahai puntuatzailea (Iñaki Etxenagusuia, Julen Juaristi eta Iñigo Korta) Azpeitiko Argazki Elkarteak duen lokalean bildurik, Apirilak 3an ospatu zen XLIII. Udaberriko argazki rallyan parte hartu zuten argazkilarien bildumak ikusi eta puntuatu ondoren, honako erabakia hartu zuen:

1. bilduma onena: Adiel Zabala - 150€ eta Azpeitiko eskudela
2. bilduma onena: Juan Ramon Llavori - 120€ eta garaikurra
3. bilduma onena: Arantza Rodriguez - 90€ eta garaikurra

4. Herriko lehen ez saritua: Igor Froilan - 60€ eta garaikurra.

Rallyko argazki onenaren saria aldiz Josean Ulacia-rentzako izan da (albiste honetan duzuten argazkia).

Argazki bildumen proiekzioa eta sari banaketa larunbat honetan, Apirilak 9an, arratsaldeko 18:30tan izango da Soreasu Kultur Dinamoan. Denok zaudete gonbidatuta.

Beti bezala bilduma sarituak gure Ekintzak/Rallyak atalean dituzue ikusgai.

 

Udaberriko 2022 Argazki Rallya

 

Udaberria ere hemen dugu eta hemen gatoz Udaberriko edo Urola Bailarako XLIII. Argazki Rallyarekin.

Aurten rallya Apirilak 3an ospatuko da. Izen ematea beti bezala Azpeitiko Argazki Elkartean izango da (Dinamoa Kultur Gunean, Soreasu), rallyko egun berean, goizeko 09:00tatik 09:30ra bitartean. Izena emateko orduan 10€ ordainduko direlarik. Kamera digitala eta memoria-txartel huts bat duen edonork har dezake parte. Aurten ere ibilbidea Azpeitian bertan izango dugu.

Rallya 14:00etan bukatuko da. Argazkilariek Dianamoko egoitza berean deskargatu beharko dituzte txartelak. Gehienez 36 argazki izango ditu (kontroleko argazkia barne). Argazkiak ezabatu ahal izango dira baina ezingo dira manipulatu. Ordenagailuaren erabilera debekatuta dago. Berezkotasuna, sormena, eta teknika izango dira kontutan puntuak ematean.

Ospatu da Udaberriko argazki rallya

udaberriko rallya 2022

Atzoko Udaberri Rallyan, Gipuzkoa eta Bizkaiko hainbat herrietatik etorritako 27 argazkilari izan genituen herrian: Zestoa, Idiazabal, Azkoitia, Donostia, Zegama, Lazkao, Zumaia, Ondarru,  Durrango, Berriz, Barakaldo eta noski Azpeitikoak.

Aurtengo rallyan ere argazkilariek Azpeitia bertan osaturiko ibilbidea egin behar izan zuten, hauek izan zituztelarik atera beharreko argazki gaiak: Begirada(k), enfoke-desenfokea, makroa (lorerik ez), motoa(k) eta udaberria.

Gau-Txori 2022 Argazki Rallyko sari banaketa

gau txori sarituak

Larunbat arratsaldean izan genuen Gau-Txori rallyko sari banaketa Dinamoa Kultur Gunean.

Ohitura den bezala, sari banaketaren aurretik Rallyan parte hartu zuten argazkilari guztien argazki bildumen proiekzioa ikusi ahal izan zen bertan.

Hemen ditugu sarituak beraien sariarekin.
(Argazkiak taimaina handiagoan ikusteko egin klik xaguarekin irudiaren gainean).

Bilduma sarituak gure Ekintzak / Rallyak atalean ikus ditzakezue.

 

Copyright © 2010 Azpeitiko Argazki Elkartea | Asociación Fotográfica de Azpeitia

Utilizamos cookies para mejorar la experiencia de navegación. Puede obtener más información en nuestra política de cookies.

  Acepto cookies de esta web.