Juan Joxe Agirre, III. Irudhitzen lehiaketako argazki ataleko irabazle

juanjoxe irudhitzen 2018

2019ko Irudhitzen egutegia osatzeko lehiaketan, Joxe Agirre-ren "Euria Loiolan" argazkiak irabazi du. Aurten, Alberto Beloki, Xanti Rodriguez eta Ainara Garcia argazkilariek osatu dute epaimahia eta atzo eman zuten beraien erabakia. Lehiaketa honetan, argazkien atalean 'koloreak' zen gaia. Zorionak Juan Joxe!

Angel Olabarria, Sokamuturra 2018 Sari Herrikoiaren irabazlea

sokamuturra sari herrikoia 2018Urtero bezala, aurtengo Iñauterietako sokamuturreko argazki lehiaketako erakusketara gerturatu ziren ikusleek beraientzat argazki onena zein zen bozkatu ahal izan zuten, eta botu denak kontatu ondoren boto-kopuru gehiena Angel Olabarriaren argazkiak lortu zituen, beraz berarentzat Herritarrek Hautatuako Saria.

Argazki irabazlea 'Paseillo' izenekoa izan zen. Zorionak Angel!

Eskerrik asko erakusketara gerturatu zareten guztioi eta zuen botoa eman duzutenoi.

Hemen dituzue sari banaketako argazkia eta Angel-en argazki sariduna.

angel olabarria paseillo

Roman Azkue, Sokamuturra 2018 argazki lehiaketako irabazle

sokamuturra 2018 roman azkueAtzo otsailak 28, asteazken gauean, epaimahi puntuatzailea (Jabier Beristain, Mikel Zengotita eta Mikel Arrieta) bildurik eta Iñauterietan ospatutako XXXIX. Sokamuturra argazki lehiaketan parte hartu zuten 22 argazkilarien bildumak ikusi eta baloratu ondoren honako erabakia hartu dute:

1. saria:  Roman Azkue - 'Estafeta txikiye - 365€ eta garaikurra

2. saria:  'Santi Elias'  - 'Erdi kale 22'  - 235€ eta garaikurra

3. saria:  Jexus Artola - 'Jendetza' - 200€ eta garaikurra

4. saria: Miguel Angel Iriarte - 'Ustekabean'  - 120€

5. saria:  Beñat Unanue - 'Torero Kuadrilla' - 80€

Iñaki Joaristi "Altzarte" saria, inauterietako jai giroari buruzko argazki onena:

Iñaki Aranburu, "Veneciako karnabala" argazkiarekin - 150€ eta garaikurra

Zorionak irabazle guztiei.

Urtero bezala argazki lehiaketara aurkeztutako argazkiekin erakusketa bat prestatzen ari gara, aurten ere, Foru ibilbideko Pasealekuan dagoen erakusketa lokalean egingo dugu. Sari banaketa erakusketa areto berean egingo da, larunbat honetan, martxoak 3, 13:00ean. Guztiok zaudete bertara gonbidatuta.

Sokamuturra 2018 argazki lehiaketaren sari banaketa eta erakusketa

sokamuturra 2018 irabazleak

Gaur eguerdian, Foruen Ibilbideko erakusketa aretoan, Sokamuturra 'Imanol Elias' 2018 argazki lehiaketako eta 'Iñaki Joaristi -Altzarte' karnabal giroko sari banaketa izan dugu.

Iadanik ohitura den bezala, sarien ondoren, Imanol eta Iñaki gogoratuz bere alargunei bi lore sorta banatu dira. Sari banaketarekin batera, lehiaketako erakusketa era irekita eman da, bertan lehiaketara aurkezturiko 22 argazkilarien hainbat argazki ikusi ahal izango direlarik.

Aurreko albistean jakinerazi genuen bezala aurtengo irabazlea Roman Azkue izan dugu, "Estafeta txikiye" argzkiarekin.

Argazki erakusketa martxoaren 25 arte egongo da zabalik. Gogoratu erakusketara gerturatzen zareten guztiok zuen gustoko argazkia bozkatu ahal izango duzutela.

Ordutegia: astelehenetik ostiralera 18:00tik 20:00ra, astebukaeratan 12:00etatik, 14:00etara.

Hemen ditugu sarituak beraien garaikurrarekin.

Valen García, Santo Tomas 2017 barne lehiaketako irabazle

santo tomas argazki lehiaketa

Ostegun gauean egin zen argazki elkartean 2017ko Santo Tomas argazki barne lehiaketako sari banaketa. Argazkiak zuri beltzekoak edo koloretakoak izan zitezkeen, eta bost gai hauek landu behar zituzten: azokako produktuak (barazkiak, frutak, loreak ....), herri kirolak, ttuntturruak, txistorren postuak (orokorra, detallea, pintxoak......) eta baserritarren erretratoa kalean. Hiru lehen sailkatuek hainbat produktu "Earrak" eman zituzten.

Aurtengo irabazlea, bilduma onenarekin, Valen Garcia izan dugu. Bigarren Juan Mari Ibarzabal gelditu da eta hirugarren Alberto Beloki. Sari banaketaren aurretik lehiaketan parte hartu zuten argazkilari guztien bildumak ikusi ahal izan ziren eta ondoren irabazleen sari banaketa egin zen. Hemen duzue irabazlearen bilduma.

Copyright © 2010 Azpeitiko Argazki Elkartea | Asociación Fotográfica de Azpeitia

Utilizamos cookies para mejorar la experiencia de navegación. Puede obtener más información en nuestra política de cookies.

  Acepto cookies de esta web.