12x12 Negua eta Ur Jauziak

Aurreko hileko ostegunean ezin izan genuen gure 12x12 barne lehiaketako bozketarik egin eta atzo ostegunez, bi bozketaldi izan genituen, Martxokoa, oraindik "Negua" izan genuelarik gure artean eta bestea apirilekoa, hemen "Erreka edo ur jauzia" izan genuelarik gaia.

Beti bezala argazki guztiak ikusi ondoren bozketa egin genuen eta hauek izan genituen bi emaitzak:

  • Martxoa, "Negua" : 1. Angel Olabarria, 2. Alex Agirre eta 3. Julian Ruiz
  • Apirila "Ur-jauzia": 1. Roman Azkue, bigarrengo postuan berdinketa izan da Julian Ruiz eta Gorka Arregi, eta 3. Juan Carlos del Pozo

Hemen dituzue lehen postuan gelditu diren bi argazkiak. Beti bezala lehen hiru argazkiak gure Ekintzak 12x12 atalean ikus ditzakezue.

negua angel olabarria

ur jauzia roman azkue

 

2022eko lehen 12x12 barne lehiaketa. Argazki gaia: janaria

Aurten ere hemen gara berriro bueltan gure 12x12 barne lehiaketarekin. Urtarrileko lehen hilabetean "janaria" genuen argazki gai bezala. Atzo, hileko lehen ostegun bezala argazki guztiak ikusi eta bozkatu ondoren, hauek izan genituen erantzunak:

· Urtarrila, argazki gaia "janaria": 1. Mikel Cagigal, 2. Iñigo Olarte eta 3. Desiree Odriozola.

Hemen duzue lehen postuan gelditu zen argazkia. Besteak beti bezala gure "12x12 Ekintzak" sailean dituzue ikusgai.

janaria cagigal

12x12 Otsaila - Argazki gaia: kontra-argia

Otsaileko 12x12 gaia "kontra-argia" genuen eta gure argazkilariek argiarekin jolastu behar izan dute. Teknika honekin kamarak zuzenean argira apuntatzen du, honek askotan iluntasuna eta argitasunaren arteko kontrasteak sortzen dituelarik, forma eta lineak gogortuz. Eta argazki denak ikusi eta bozkatu ondoren hauek izan ziren lehen postuetan gelditu ziren argazkilariak: lehen postuan Juan Carlos del Pozo, bigarren Gorka Arregi, eta hirugarren postuan Roman Azkue.

Hemen duzue lehen postuan gelditu den argazkia. Beti bezala lehen hiru argazkiak gure Ekintzak 12x12 atalean ikus ditzakezue.

kontra-argia juan carlos del pozo

 

Gorka Arregi, 2021eko AAE-ko barne lehiaketako irabazlea

Atzo ostegunez, 2021 urteko 12x12 barne lehiaketako emaitza guztiak aztertu ondoren, iadanik baditugu 2021eko emaitzak. Urteko argazki bilduma onena Gorka Arregi-rena izan da, bigarren postuan Iñigo Olarte gelditu da eta hirugarren Juan Mari Ibarzabal. Zorionak hirurei.

Gure eskerrak agertu nahi dizkiegu hilabete hauetan bere argazkiekin lehiaketan parte hartu duzuten bazkide guztiei, eta aurten ere hileroko gaiak zuen kamerekin irudikatzen jarraitzeko gonbidapena luzatzen dizuegu. Aurtengo 12 gaiak iadanik web orrian argitaratuak dituzue.

gorka arregiren argazkia

Copyright © 2010 Azpeitiko Argazki Elkartea | Asociación Fotográfica de Azpeitia

Utilizamos cookies para mejorar la experiencia de navegación. Puede obtener más información en nuestra política de cookies.

  Acepto cookies de esta web.