Juan Joxe Agirreren omenezko "ZUHAITZA" lehiaketara argazkiak bidaltzeko epea itxi da.

Lehiaketan 171 argazkilarik parte hartu dute, guztira 489 argazki aurkeztu direlarik.
Puntuazioez arduratuko den epaimahaia izendatuta dago, berau Azpeitiko Argazki Elkartetik kanpo dauden 3 kontrastatutako argazkilarik osatuko dutelarik.

Hemendik aurrera, 2 edo 3 puntuaketa saio egingo dira, hurrenez hurren, argazkiak kanporatzen joateko, azkenan 40 geratu arte.
Ondoren 40 argazki horiek inprimatu egingo dira, eta covid 19aren pandemiak uzten badigu, epaimahaiaren azken bozketa horrela aurrez aurrekoa izango da, argazkiak paperean ikusiz aztertuko dituztelarik.
Hortik aterako dira argazki irabazleak.

40 argazki finalista hoiekin erakusketa bat egingo da. Inaugurazio egunean sari banaketa egingo delarik.

Sokamuturra 2020 argazki lehiaketaren sari banaketa eta erakusketa

sokamuturra 2020 saridunak

Larunbat eguerdian, Betharretako erakusketa aretoan izan genuen Sokamuturra 'Imanol Elias' 2020 argazki lehiaketako eta 'Iñaki Joaristi -Altzarte' karnabal giroko sari banaketa.

Aurreko albistean jakinerazi genuen bezala aurtengo irabazlea Adiel Zabala zestoarra izan dugu. Gainerako saridunak hauek izan ziren: Angel Olabarria, Roman Azkue, Karlos Iriarte eta Jexus Artola. Inauterietako jai giroari buruzko argazki onena J. Antonio Unzurrunzaga, Bergarakoarentzat izan zen.

Iadanik ohitura den bezala, sarien ondoren, Imanol eta Iñaki gogoratuz bere alargunei bi lore sorta banatu dira. Sari banaketarekin batera, lehiaketako erakusketa era irekita eman da.

Argazki erakusketa abuztuaren 2a arte egongo da zabalik. Gogoratu erakusketara gerturatzen zareten guztiok zuen gustoko argazkia bozkatu ahal izango duzutela.
Ordutegia: astelehenetik ostiralera 18:00tik 20:00ra, astebukaeratan 12:00etatik, 14:00etara.

Hemen dituzue sari banaketako argazkiak:

Adiel Zabala, Sokamuturra 2020 argazki lehiaketako irabazle

adiel zabala

Atzo astelehena, martxoak 9an, epaimahi puntuatzailea (Juan Joxe Agirre, Iñigo Olarte eta Enekoitz Esnaola) bildurik eta Iñauterietan ospatutako Sokamuturra argazki lehiaketan parte hartu zuten 22 argazkilariek bidalitako argazki guztiak ikusi eta baloratu ondoren honako erabakia hartu zuten:

1. saria:  Adiel Zabala

2. saria:  Angel Olabarria

3. saria:  Roman Azkue

4. saria: Karlos Iriarte

5. saria: Jexus Artola

Iñaki Joaristi "Altzarte" saria, inauterietako jai giroari buruzko argazki onena:

J. Antonio Unzurrunzaga, Bergarakoarentzat izan da.

Zorionak saritu guztioi.

Urtero bezala argazki lehiaketara aurkeztutako argazkiekin erakusketa bat prestatzen ari gara, aurten gainera Betharram aretoan izango gara berriro. Sari banaketa erakusketa areto berean egingo da, larunbat honetan, martxoak 14, eguerdiko 13:00ean. Guztiok zaudete bertara gonbidatuta.

2020ko Sokamuturreko argazki erakusketa eta sari banaketa prest

sokamuturra erakusketa 2020 01

Martxoan bertan behera gelditu zen Sokamutur sari banaketa eta argazki erakusketa Uztailak 18, larunbat honetan egingo dira.

Bihar eguerdiko 12etan, Betharretako erakusketa aretoan, Sokamuturra 'Imanol Elias' 2020 argazki lehiaketako eta 'Iñaki Joaristi -Altzarte' karnabal giroko sari banaketa izango dugu. Hauek izan genituen irabazleak:

1. saria:  Adiel Zabala
2. saria:  Angel Olabarria
3. saria:  Roman Azkue
4. saria: Karlos Iriarte
5. saria: Jexus Artola

Iñaki Joaristi "Altzarte" saria, inauterietako jai giroari buruzko argazki onena J. Antonio Unzurrunzaga, Bergarakoarentzat izan zen.

Sari banaketarekin batera, argazki lehiaketan parte hartu zuten argazkien erakusketa irekita emango da. Erakusketa abuztuak 2 arte egongo da ikusgai. Gogoratu erakusketara gerturatzen zareten guztiok zuen gustoko argazkia bozkatu ahal izango duzutela.

Ordutegia: astelehenetik ostiralera 18:00tik 20:00ra, astebukaeratan 12:00etatik, 14:00etara.

 

 

Sokamuturra 2020 argazki lehiaketa, Imanol Elias saria

sokamuturra alberto belokiLaster izango ditugu kaldereroak herriko kaleetan eta honek karnabal jaiak ere ia gainean ditugula esan nahi du, eta jai hauekin batera gure Sokamuturra eta Inauteri giro inguruko argazki lehiaketa ere badator.

Urteroko moduan, inauteri jaietako egun hauetan ospatzen diren helduen sokamuturrean atera behar izango dira lehiaketako argazkiak, oraingoan otsailak 23, 24 eta 25 egunetan izango direlarik.

Sokamuturreko argazkiak txuri beltzean izan beharko dira eta ez da onartuko argazki muntaiarik. Egile bakoitzak gehienez 5 argazki aurkeztu ahal izango ditu, baina gehienez sari batetarako hautatua izan daitekelarik  (sari 'berezia' kontuan izan gabe).

Copyright © 2010 Azpeitiko Argazki Elkartea | Asociación Fotográfica de Azpeitia

Utilizamos cookies para mejorar la experiencia de navegación. Puede obtener más información en nuestra política de cookies.

  Acepto cookies de esta web.