Ikasberri DBH 1 gela 'Sormena argazkigintzan' ekintzan irabazle

Gaur goizean izan da "Argazki Astea" barruan antolaturiko "Sormena argazkigintzan" lehiaketako sari banaketa. Ekintza honetan herriko eskola ezberdinek parte hartu dute, guztira 500 ikasle. Aurreko astean epaimahiak argazki guztiak ikusi ondoren, Ikasberri DBH 1 gelako ikasleen proiektua eman zuten irabazle bezala. Zorionak guztiei. Sari banaketaren aurretik ikasleek proiektura aurkezturiko argazki guztien proiekzio bat ikusi ahal izan dute.

Hemen ditugu irabazleak, herriko alkatea eta argazki elkarteko arduradunak sari banaketan.

sormen lehiaketa 01sormen lehiaketa 02

Juan Mari Ibarzabal-ek beste bi lehiaketan saridun gertatu da

Juan Mari Ibarzabal, gure elkarteko kideak bi sari lortu ditu Real Sociedad Fotográfica de Zaragoza-k antolaturiko "95 Salón internacional de Otoño" argazki lehiaketan. "Entre rejas" izeneko argazkiarekin 'Argazki kreatibo' sailean, CEF (Confederación Española de Fotografía)-k eskeintzen duen "Mención de Honor" saria lortu du eta ardoari eskeintzen zioten argazki sailean, "Entre luces" izeneko argazkiarekin FIAP-ken "Mención de honor" saria. Zaragozan ospatzen den lehiaketa honetako aurtengo edizioan, 36 herrialde ezberdineko 145 argazkilarik, 1858 argazkik, parte hartu dute, Ibarzabal-en argazkiek aipaturiko bi sari horiek lortu dituztelarik.Zorionak Juan Mari.

Hemen ditugu bi argazkiak.

jmibarzabal premios zaragoza

Ostegunean argazki estudioa herriko plazan

argazki estudioa

Argazki Astearen barruan, ostegun honetan, pintxo potearekin batera, herriko plazan Argazki Estudio bat izango dugu.

Hartu zuen pintxoa eta gerturatu bertatik zuen lagun, bikote edo familiartekoekin. Oroigarri eder bat izango duzue eskuetan!

Pepe Gil liburuaren aurkezpena

pepe gil liburuapepe gil liburua

Atzo larunbata aurkeztu genuen Pepe Gil argazki bildumarekin osaturiko liburua jende artean, Sanagustin Kulturgunean. Osasun arazoak medio, Pepe Gil argazkilariak ezin izan zuen bertara gerturatu, baina bertan izan zen bere ordez bere seme Enrique Gil.

Liburuaren aurkezpena, bertan agertzen diren hainbat argazkiren proiekzioarekin hasi zen, ondoren argazki elkarteko kide dugun Izaskun Zeziagak hartu zuen hitza, honek Pepe Gil argazkilariren ibilbideko hainbat xehetasunen berri eman zuelarik. 14 urte zituela etorri zen Zaragozatik, lehenik Donostira, eta gero Azpeitira, hemen igaro zituen urteetan milaka argazki atera zituelarik. Erretiratu zenean, Azkoitira joan zen bizitzera baina Azpeitian gelditu zen bere bilduma zabala. Pepe Gil, Mikel Ibarzabal ordungo zinegotziarekin jarri zen harremanetan, nahi izan ezkero bere argazki artxiboa bere eskuetan jartzen zuela esanez. Hau, orduan argazki elkartearekin jarri zen harremanetan eta gure esku jarri zuen irudi artxibo handi hori. Hainbat urtetan egon da material hori gure eskuetan, milaka argazkitik gorako altxorra, eta orain urte batzuk elkarteko Juan Joxe Agirre kidea, argazkiak digitalizatzeko lana bere gain hartzeko prest agertu zan.

Copyright © 2010 Azpeitiko Argazki Elkartea | Asociación Fotográfica de Azpeitia

Utilizamos cookies para mejorar la experiencia de navegación. Puede obtener más información en nuestra política de cookies.

  Acepto cookies de esta web.