'Sokamuturra Argazki Lehiaketa' liburuaren bigarren edizioa martxan

Argazki Elkartetik 'Sokamuturra Argazki Lehiaketa' liburuak herri artean izan duen arrera ona eskertu nahi genuke.

Jadanik azken aleak bakarrik gelditzen dira eta honen aurrean Udaletxearen erantzuna eskertu nahi genuke, inor libururik gabe gelditu ez dadin bigarren edizio inprimaketa bat egitea onartu bait du, bitartean liburuaren azken aleak Foru Pasealeku Ibilbideko argazki erakusketan dituzue salgai.

Liburu berriak hil honen amaierarako izango ditugu, beraz astebukaera honetan (Sansebastian jaietan) liburu salmentarako posturik ez dela egongo jakinerazten dugu.

sokamuturra liburua aae

'Sokamuturra Argazki Lehiaketa' liburuaren aurkezpen arrakastatsua

Azpeitiko Argazki Elkartea-k, Eneko Etxeberria (Azpeitiko alkatea), Mikel Ibarzabal (Festa Batzordeburua), Ixiar Oiartzabal (Imanol Elias-en alarguna), Fernando Araquistain (Azpeitiko Sokamuturra 500) eta aurkezpenera gerturatu ziren guztiei gure eskerrak agertu nahi dizkiegu.

Benetan pozik gaude liburuak jende artean izan duen arrerarekin eta salmentan izaten ari den arrakastarekin.

Atzo eta gaur hainbat dei izan ditugu liburuari buruz galdetzen, beraz hemen duzue liburuaren salmenta puntuei buruzko informazioa:

· Foru Pasealeku-ko erakusketa aretoan, arratsaldez 18:00tatik 20:00ak arte.
· Bihar, urtarrilak 16, asteartea, Udaletxeko arkupetan, goizeko 10:00-tatik 12:00ak arte.
· Urtarrilak 20, larunbata, udaletxeko arkupetan, goizeko 11:30-etatik aurrera.

Oharra: salgai dauden liburu-kopurua mugatua da.

Hemen dituzue aurkezpeneko argazki batzuk:

Sokamuturra Argazki Lehiaketa, liburuaren aurkezpena larunbat honetan

Urtarrilak 13, larunbat honetan, eguerdiko hamabietan Sanagustin Kulturgunean 'Sokamuturra Argazki Lehiaketa' liburuaren aurkezpena egingo da. 240 orrialde dituen liburuan, 6000 irudiren artetik aukeraturiko 300 argazki baino gehiago aurkituko dituzue. Argazki guztiak, 1980-2017 urteetan ospaturiko lehiaketara aurkezturiko argazkiak dira, 5 urteko ikerketa, bilketa eta katalogazioaren emaitza. Liburuak Imanol Elias gure kronistaren aurkezpen bat du.

Gabon giroa Azoka Herritik jardunaldiko argazki estudioan

aae sanjuandei 2017

Nahiz eta ia goiz osoan euria lagun izan genuen, argazki estudioan 100 pertsonatik gora izan genituen, denak argazki eder bat ateratzeko asmoz.

Denetako argazkiak izan genituen: kudrilak lagun artean, familikoak, haurrak, bikoteak...

Azpeitiko Argazki Elkartetik bertara gerturatu zen jende guztiari gure eskerrak eman nahi genizkieke.

Aste honetan zehar bidaliko ditugu bertan ateratako argazkiak. Hilaren bukaerako oraindik zurea ez baduzu jaso, mesedez jarri kontaktuan gurekin honako helbidera mezu bat bidaliz:  Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

Copyright © 2010 Azpeitiko Argazki Elkartea | Asociación Fotográfica de Azpeitia

Utilizamos cookies para mejorar la experiencia de navegación. Puede obtener más información en nuestra política de cookies.

  Acepto cookies de esta web.