XXXVII Udaberriko Argazki Rallya

Berriro ere hemen gara Azpeitin antolatuko den beste Rally baten berri ematen. Oraingoan Apirilaren 6an ospatuko dugun XXXVII Udaberriko Rallya izango da. 

Rallya Azpeiti eta Azkoiti artean izango da eta kamera digitala eta memoria-txartela duten guztiek parte hartu ahal izango dute. Izen ematea Azpeitiko Argazki Elkarteak, Perez Arregi Kalean dugun egoitzan egin beharko da, goizeko 09:00tatik 09:30tara bitartean. Izen emateko orduan 10€ ordainduko dira, baina 16 urtetik beherakoek ez dute ezer ordaindu beharrik izango.

Ohitura den bezala, goiz erdian hamaiketako eder bat izango dugu eta Rally ondoren nahi duenarentzat bazkaria izango da, bertara joateko asmoa duenak Rallyan izena ematerakoan apuntatu ahal izango da.

Albiste honen amaieran dituzue Rallyko oinarriak, eta gogoratu Gau-Txori Rallya izan zen moduan hau ere "Herriz Herri" txapelketarako puntuagarria izango dela.

Gonbidaturik zaudete guztiak goiz eder bat pasatzera.

descarga-pdf Udaberri Rallyko oinarriak jeitsi.

 

Gau-Txori 2014 argazki rallyko sari banaketa

Atzo martxoak 22, larunbat arratsaldean izan genuen V. Gau-Txori argazki rallyko sari banaketa. Ohitura den bezela, sari banaketaren aurretik rallyan parte hartu zutenen argazkilarien argazki bildumen proiekzioa egin zen.

Hemen dituzue sari banaketako argazkiak. Irabazleen izenak jakiteko eta argazkiak tamaina handiagoan ikusteko egin klik argazki gainean xaguarekin.

V. Gau-Txori Argazki Rally arrakastatsua

2014ko V. Gau-Txori rallyan 45 pertsonak parte hartu zuten, oraingoan ere hainbat herrialdetako jendea etorri zelarik. Hemen izan genietuen Barakaldo, Donostia, Zumaia, Durango, Soraluze, Urretxu, Legazpi, Zumarraga, Elgoibar, Orio, Azkoiti eta noski Azpeitiko argazkilariak.

Eguraldia lagun zelarik, argazkilariek honako gaiak izan zituzten: kaldereroak, bankuak (eserlekuak), trafiko seinaleak, simetria eta musika kioskoa (enparantza nagusia).

Rallya amaitu ondoren, 34 pertsona joan ziren urtero antolatzen den ondorengo afarira.

Hemen ditugu Rallyko parte-hartzaile batzuren argazkia (argazkilaria: Iñaki Etxenagusia).

aae-rally-gautxori-2014

 

Joaquin Ruiz 2014-ko V. Gau-Txori Rallyko Irabazlea

Otsailaren 22an izan genuen Gau-Txorri argazki rallyko irabazle zerrenda hemen dugu. Gorka Arregi, Valen Garcia (azpeitiko argazki elkarteko kideak) eta Fernando Retolazak (Eibarko kirol elkartekoa) osatutako epaimahaia larunbat goizean elkartu zen eta rallyan parte hartu zuten 43 argazkilarien bildumak ikusi eta puntuatu ondoren, honako hau izan zen beraien erabakia:

rally-gau-txori
· Bilduma onena: Joaquin Ruiz - Soraluze (150€ eta garaikurra)
· 2. postua: Iñaki Etxenagusia - Azpeitia (100€ eta garaikurra)
· 3. postua: Carlos de Cos - Soraluze (70€ eta garaikurra)
· Azpeitiko lehen ez saritua: Oskar Baile (garaikurra)

Zorionak guztioi!

V. Gau-Txori Argazki Rallya

Aurten ere hasi gara Rallyekin.

garaikurrak-gautxori

Azken urteotako moduan GAU-TXORI gaueko Rallya gainean dugu eta bertara gonbidatu nahi zaituztegu. Memoria-tarjetadun kamera digitala duen edonork parte hartu dezake.

Rally ezberdina dugu hau, gauez egin bait da. Otsailaren 22an izango da, beraz izen-ematea Otsailak 20a baino lehenago egin beharko da, internet bidez Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidean. Izen-ematea 5€-koa izango da eta 15€-koa afarira apuntatzen denarentzat (inskripzioa+afaria). Inskripzioa rallyaren egun berean ordaindu beharko dira Azpeitiko Argazki Elkartearen egoitzan. Atxikita dituzue oinarriak informazio guztiarekin.

Bestalde rally hau Herriz-Herri txapelketarako puntuagarria izango dela gogoratzen dizuegu.

V. Gau-Txori Rallyko baseak jeitsi.

 

Copyright © 2010 Azpeitiko Argazki Elkartea | Asociación Fotográfica de Azpeitia

Utilizamos cookies para mejorar la experiencia de navegación. Puede obtener más información en nuestra política de cookies.

  Acepto cookies de esta web.